I håb an buffo pafft und bin auf 'd bauschtö gaunga
håit mit meim goatnzweag a zwiegeschpräch und üwaleg
auf amåi sågns im radio italien wiad gschpeat
des is ma eigfoahn wia a blitz aus is jetzt hüft nix
daham bin i de schtiagn åwi grëut bin schwindlich wuan
i håb ned ållas wås i woit gmåcht in meim lem
doch jå waunns so kummt i geh
nach drei schtund in an yogasitz vahült in ana deckn
kumm i zruck aus lichtn höhn und meak
i bin no imma då und denk a scho aun muagn
auf amåi håb i irre schnöe mei gaunze aungst valuan
schteam muaßt daunn wiast ewig sei
fåit ma ei so nebenbei
es woa so schee es woa so leise
da hümmi kloa und so guat grochn håts
laungsaum samma gaunga de viecha haum si gfreit
wås hat dea mensch nua gmåcht aus dera trautsaumkeit
i hoff de woanung wiad ia zü eareichn
i hoff de menschn wåchn auf
i hoff daß måcht und göed segn ei
daß des wås zöeht is lem und s'sei